A A A

ХБНГУ-ын Бранденбург мужийн Барут/Марк хотноо гарч буй зураач Э.Отгонбаяр болон германы уран бүтээлч, уран хайчилбарч Каролина Брак нарын “Байгаль хувьсах нь” нэртэй үзэсгэлэнгийн хүрээнд Монголыг сурталчлах өдөр 5 дугаар сарын 28 нд болж өнгөрөв.

Тус үзэсгэлэн гарч буй 300 гаран жилийн түүхтэй “Барутын Гласхютте” музейн тосгон нь гар аргаар үлээсэн шилэн эдлэл үйлдвэрлэлийн хүн төрлөхтний биет бус соёлын өвийг тээгч төдийгүй, урлаг соёлын дахин давтагдашгүй олон зүйлийг агуулсан, жил бүр олон орны уран бүтээлчид, жуулчид зорин ирж сонирхдог бөгөөд одоогоор 300 гаран дэлхийн алдартай уран бүтээлчид тус тосгонд байнга оршин сууж уран бүтээлээ туурвидаг юм байна.

Монголын өдөр арга хэмжээний үеэр зураач Э.Отгонбаяр болон уран хайчилбарч Брак нар үзэсгэлэнгийнхээ танилцуулга хийн, мэргэжил нэгт гадаадын уран бүтээлчидийн дунд хоёр орны урлагийн хөгжлийнялгаа, хандлагын талаар хэлэлцүүлэг яриа өрнүүлэв.

Өдөрлөгт монгол улсаас ХБНГУ-д суугаа Элчин сайдын яамны  соёлын атташе Б.Сийлэн хүрэлцэн ирж оролцов. Мөн Барут/Марк хотын захирагч ноён Петер Илк Хөвсгөл аймгийн төв Мөрөн хоттой хамтын ажиллагааныхаа талаар сонирхолтой илтгэл тавьлаа. Барут/Марк хот 2011 оноос Мөрөн хоттой түншийн харилцаатай хамтран ажиллаж буй бөгөөд хөгжлийн хамтын ажиллагааны хүрээнд сүүлийн 6 жил хамтран хэрэгжүүлсэн төслүүдээсээ болон одоо хамтран бэлтгэл ажилдаа ороод буй сургалтын төв байгуулах төслийн талаар сонирхолтой ярилцлага хийв. 

Бүтэн өдөр үргэлжилсэн тус арга хэмжээнд нийт хүрэлцэн ирсэн зочид болон уран бүтээлч нарт Монгол гэрийн талаар мэдээлэл хийсэн төдийгүй Монгол гэр барихтай биечлэн  танилцуулан, Монгол үндэсний хоол, аялал жуулчлалын онцлог, боломжууд, түүх, урлаг, ёс заншлын талаар дотно яриа өрнүүлэн явагдсан тус арга хэмжээ нь засгийн газраас хэрэгжүүлж буй зөөлөн хүчний бодлого буюу соёлоор дамжуулан Монгол улсыг гадаадад сурталчлах болон урлаг соёлыг хөгжүүлэх, зорилтот бүлгийн аялал жуулчлалыг татах  чухал ач холбогдолтой болж өнгөрөв.

“Байгаль хувьсах нь” нэртэй тус үзэсгэлэн 5 дугаар сарын 7-ны өдрөөс эхэлсэн ба энэ оны 6 сарын 18 хүртэл өргөн олноо толилиулагдах юм байна.

Элгэн садан монголчууддаа сэтгэлд өрөмтөм оюуны очтой сүүн цацлаар мэлмийг тань мялаах чөлөөт уулзалтад урьж байна.

Берлин хот 2017.05.24 - 19 Цагаас

Монгол Улсын Ардын Уран Зохиолч, Соёлын Гавъяат Зүтгэлтэн, 1988 оны “Болор цом “ яруу найргийн наадмын Болор цомын эзэн Тангадын Галсан болон 2006 оны “Болор цом” яруу найргийн наадмын Болор цомын эзэн, их зохиолч Д.Нацагдоржийн нэрэмжит шагналт, зохиолч яруу найрагч Баатарын Галсансүx нар Европын холбооны улсуудад амьдарч байгаа элэг нэгт Монголчууддаа аяны богцоо задалж, яруу найргийн хатан ээж Янжинлxам бурханы гэгээн ухааны өргөл өргөхөөр хөлгийн жолоо залан айсуй.

Бельгийн Монголчуудын нэгдсэн холбооны урилгаар Утга яруу, төгс аялгуут найраг хөглөсөн гэгээн үдшийн цэнгүүнүүд оролцох замдаа Берлин хотод саатан морилохдоо Эх нутаг, Элгэн саднаа санан дэгэлзсэн монголчуудынхаа элгийг дэвтээж, сэтгэлд өрөмтөм оюуны очтой сүүн цацлаар мэлмийг тань мялаах гэж байна.

 


Өдөр 
2017 оны 5 дугаар сарын 24
Цаг 
19:00 - 21:00
Хаяг:
Dietzgenstraße 31, 13156 Berlin

https://goo.gl/maps/uUKPSottdg52
Цэцэг ургатал магтавч, цэцэн болдоггүй нь тэнэгийн эмгэнэл
Цэр хаях шиг муулавч, цэц нь буурдаггүй нь сэцэний бахархал

Огторгуйгаас сацрагч шар сударыг: наран гэнэ
Оюунаас сацрагч шижир наранг: ном хэмээнэ

Хэрээ : өнгө засна гэж өдөөн цагаанаар буддаггүй
Хэрээ : өвөл даарна гэж өссөн нутагаа орхидоггүй

Гучхан хором гадаа ажиллавал: наршиж халуурдаг
Гуталтайгаа ус туулчихвал: хоолой нь паг сөөчихдөг
Гулжигар, улжигар залуу: болзоо горилон зогсоно
Гуужсан согоо шиг бүсгүй: харцаараа шилбүүрдэн үргэнэ.

Үнэн өчил
Дандаа жаргаж туйлсан гэвэл : шал худлаа
Далай үерлэтэл уйлсан гэвэл : бүр ч худлаа
Даамгүй жаргалаан асгах бүрдээ : тарчилж байлаа
Давшгүй зовлонг нураах бүрдээ : жаргаж л явлаа.

Тулган доторхи дээдэсийн гал унтрах ёсгүй
Туган дээрхи соёмбын загас унтах эрхгүй
Туурга тус тусгаар тогтнол мөхөх ёсгүй
Тунгаамал шижир шиг Монгол хэл мохох ёсгүй
2012.12.26

Эх ороноосоо урвабаас : нар надад мөс болог!
Эх хэлээ умартваас : навчис надад мэс болог!

https://www.youtube.com/watch?v=5XyH8B4VgrM
Ардын уран зохиолч Т.Галсан "ОФФШОР" гэдэг үгийг ингэж тайлбарлалаа

Б.Галсансүх: Бурханд хэлэх зөвлөгөө
https://youtu.be/Mf9RoyuEE74
Б.Галсансүх-Р.Чойномд бичсэн захидал
https://youtu.be/-i0MDvBXR8A

 

https://www.facebook.com/events/712363885602721

 

 Mонгол-Германы хамтын ажиллагаа, хоёр орны ард түмний найрамдал, нөхөрлөлийг бэхжүүлэх, Монгол үндэсний өв, соёлыг сурталчлах зорилгоор Монгол Улсаас ХБНГУ-д суугаа Элчин сайдын яам, Бранденбург муж улсын Даам-Шпревальд тойргийн Шөнефельд дүүрэгтэй хамтран 2017 оны 7 дугаар сарын 1-ний өдөр Монгол-Германы ард түмний өдөрлөг, Монгол үндэсний баярын Наадмын арга хэмжээг хамтран зохион байгуулна.

Хүндэт иргэд Та бүгдийг Монгол, германы урлагийн тоглолт, Монгол үндэсний эрийн гурван наадмыг сонирхон үзэж, хоёр орны үндэсний зоогоор үйлчлэх энэхүү баярын арга хэмжээнд өргөнөөр оролцохыг урьж байна.

http://berlin.embassy.mn/index.php?moduls=101&id=111

Монгол улсаас ХБНГУ-д суугаа ЭСЯ