Mongolchuud Germand

Mongolchuud Germand - Informationsportal
A A A

ХБНГУ-д ажлын айлчлал хийж буй МҮХАҮТ-ын Ерөнхийлөгч О.Амартүвшин тэргүүтэй төлөөлөгчид Берлин хотноо “Монгол, Германы эдийн засгийн клуб” ТББ-т зочилж тус байгууллагын тэргүүн, удирдах зөвлөлийн гишүүдтэй уулзлаа. Уулзалтад оролцогчид Монгол Улсын нийгэм, эдийн засгийн өнөөгийн байдал, ХБНГУ болон европын бусад оронтой эдийн засгийн харилцааг эрчимжүүлэх боломжийн талаар санал бодлоо солилцов.

Герман улстай бүх талын харилцааг хөгжүүлж, техник технологийг нэвтрүүлэх, хөрөнгө оруулалтыг татах, хоёр талын худалдааны эргэлтийг нэмэгдүүлэх, улмаар тус улсаар дамжин Европын Холбооны бусад улс оронтой харилцаагаа гүнзгийрүүлэх зорилгоор хамтран ажиллах боломж буйг уулзалтад оролцогчид илэрхийлж байлаа. Энэ үйлсэд Герман улсад амьдарч, ажиллаж буй иргэдийн эх орноо гэсэн сэтгэл, зүтгэл, эзэмшсэн мэргэжил, мэдлэгийг бүрэн ашиглахын ач холбогдлыг талууд онцлон тэмдэглэлээ. 

FairPlay - FairWorld - Спорт нөхөрлөл - Байгаль эх 

уриан дор Герман улсын Берлин хотын “ ЦОГ” спорт клуб ЕВРОП ДАХЬ МОНГОЛЧУУДЫН ВОЛЕЙБОЛЫН АВАРГА ШАЛГАРУУЛАХ VII ТЭМЦЭЭНИЙ Ерөнхий зохион байгуулагчаар ажиллах ба Монгол Улсаас ХБНГУ-д суугаа ЭСЯ болон Берлин дахь Монголын мэргэжил эзэмшигч болон оюутны холбоо ("MAS Berlin e.V.), Монголын волейболын холбооны Европ дах салбар зөвлөлтэй  хамтран Монгол улс Герман улсын хооронд дипломат харилцаа үүссэний 45 жилийн ойн хүрээнд  зохион байгуулна.

FairWorld - Байгаль эх - уриан дор зохиогдож буйтай холбогдуулан тэмцээний үеэр нэг удаагийн сав баглаа боодол, хүнсний аяга, таваг зэрэг хэрэглээг хумих, тамирчид өөрсдийн ус, ундааны саваа авч ирэх түүнчлэн зохион байгуулагчдаас нөхөн үрждэг байгалийн болон Fair Handel бүтээгдэхүүн ашиглах, эх орны үйлдвэрлэлийг дэмжихийг эрмэлзэнэ. 

Тэмцээн 2019 оны 10 дугаар  сарын 05-наас 06-нд Герман улсын Берлин хотын MAX SCHMELLING HALLE спорт цогцолборт болно.  

Хаяг : Am Falkpl. 1, 10437 Berlin

Европ дахь Монголчуудын ПҮҮЛ БИЛЬЯРДЫН аварга шалгаруулах III тэмцээн 2019 оны 6 дугаар сарын 8, 9 нд (Pfingst Wochenende) зохион байгуулагдах тул та бүхнийг өргөнөөр оролцохыг урьж байна.

Хилийн чанадад залуучууд чөлөөт цагаа зөв боловсон өнгөрүүлж, сонирхол, найз нөхдөөрөө олон төрлийн тэмцээн уралдаан зохион явуулдаг болсоны нэг хэлбэр энэхүү тэмцээн анх Австри улсын Инсбруке (Innsbruck) болон Чех улсын нийслэл Праг хотод зохиогдож байсан бол энэ удаад Герман улсын нийслэл Берлин хотод зохиогдохоор та бүхнийгээ хүлээж байна.