Mongolchuud Germand

Mongolchuud Germand - Informationsportal
A A A

Хэрэгцээтэй, сонирхолтой ярилцлага.

Европын Монголчууд | 2020.02.16 | Берлинд ажиллаж, амьдардаг жолооны сургалтын багш Ц. Уранцэцэг

https://youtu.be/WidvQaleLe4

"Европын Монголчууд" нэвтрүүлгийн энэ удаагийн дугаарт Герман улсын нийслэл Берлинд ажиллаж, амьдардаг жолооны сургалтын багш Ц. Уранцэцэг оролцжээ.

Хөтлөгч: Б.Батбаяр Batbayar Bayaraa

Эфирийн найруулагч: Г.Ангараг

 

Европын орнуудад оршин суугаа нийт иргэдийн анхааралд

 

Дэлхийн эрүүл мэндийн байгууллагын бүртгэлээр Европын бүс нутагт нийт 796 тархалт бүртгэгдэж, тус өвчнөөр 19 хүн нас бараад байна. Нийт баталгаажсан 23 орон байна.

Халдвар улсын хэмжээнд тархсан улс, (Хятад, Япон, Солонгос) хот, мужаас (Италийн Ломбардай, Lombardei Stadt Vo, in der Provinz Padua in der Region Venetien) ирсэн, тус хотод аяласан иргэд Монгол улсад ирэхэд 14 хоног хяналтад байлгана. ТУС КАРАНТИ, ХЯНАЛТАД БАЙХ ЗАРДЛЫГ ИРГЭН ӨӨРӨӨ ХАРИУЦАХ ҮҮРЭГТЭЙ.

Иргэд та бүхэн оршин суугаа орны Төрийн байгууллагаас гаргаж буй мэдээлэл болон Монгол Улсын Дипломат төлөөлөгчийн газруудаар дамжуулан албан ёсны мэдээлэл авахыг хүсч байна.

Иргэд Та бүхэн хувийн ариун цэвэр чанд сахих, онц шаардлагагүй тохиолдолд гуравдагч орон руу явахгүй байх, олон нийтийн үзвэр, үйлчилгээний газраар явахгүй байж дор бүрнээ хариуцлагатай байхыг анхааруулж байна.

Хүн төрөлхтнийг түгшээж буй COVID-19 халдварын аюул, өнөөгийн байдлаар ХБНГУ-ын Штуттгарт хотын ойролцоо болон Нордрайн Вестпален мужид халдварласан хүн шинээр гарсантай холбоотой нийт иргэддээ анхаарал болгоомжтой байж, олон хүн цугласан баяр карнивил наадам зэрэгт онцын шаардлагагүй бол оролцохоос татгалзах, амьсгалын замын өвчний шинж тэмдэг илэрвэл амны хаалт зүүж, эмнэлэгт яаралтай хандах, гараа тогтмол угаахыг ЭСЯ ны консулын хэлтэсээс зөвлөж байна.

Монголчуудын холбоо, нийгэмлэгүүд өөр өөрсдийн шугмаар гишүүд, анд нөхдүүддээ мэдээлэл дамжуулан анхааруулах яаралтай тохиолдолд консулын хэлтэсийн ажилтны 0049 176 2999 0069 утсаар холбогдоно уу

МАЛЫН ЭМЧИЛГЭЭ БА ХУДАЛДАА ТУСГАЙ ҮЗЭСГЭЛЭН

Экологи ба эдийн засгийн хооронд хортон шимэгчийг судлахуй

2020 оны 02 дугаар сарын 07-ноос эхлэн Берлин хотын Хумболдтын их сургуулийн “Амьтны анатомийн театр” музейд “Малын Эмчилгээ ба Худалдаа” тусгай үзэсгэлэнг Хумболдтын Их Сургуулийн харъяа Хэрман фон Хэлмхолц-Соёлын технологийн судалгааны төвөөс ХБНГУ дахь МУ-ын Соёлын Элч О.Оюунтуяа, “Соёл урлаг, хэвлэл мэдээллийн төслийн менежмент, зөвлөгөө” НҮТББ (AMPMC), Хумболдтын Их Сургуулийн Молекуляр паразитологийн хүрээлэн ба Берлиний Фрай Университэтийн Паразитологи ба Халуун орны мал эмнэлгийн анагаах ухааны хүрээлэнтэй албан ёсны хамтын ажиллагааны хүрээнд зохион байгуулж байна.

Уран бүтээлч Жамсрангийн Ганболдын орчин үеийн хэв загвар бүхий монгол мебелийн үзэсгэлэн худалдаа өнгөрсөн оны 12 дугаар сард ХБНГУ-ын Штуттгарт хотноо зохион байгуулагдав.

Уг үзэсгэлэн худалдаагаар үндэсний хээ угалзыг орчин үеийн хийц загвартай хослуулсан ширээ, авдар, шүүгээ, шатрын ширээ гээд нийтдээ 20 гаруй бүтээл, монгол баатар, хаан, хатан, цамын баг, байгалийн зэрэг 10 орчим зураг, мөн хуучин мебелийг сэргээн засварлаж, монгол хээ угалзаар чимэглэн амилуулсан бүтээлүүдийг танилцуулжээ. Тухайлбал, Ikea брендийн хуучин ширээг төмрөөр бөгжлөн, монгол хээгээр чимэглэн будсан нь герман үзэгчдэд илүүтэй таалагдаж, хамгийн түрүүнд худалдаалагдан, дахин захиалжээ.

ХБНГУ-д ажлын айлчлал хийж буй МҮХАҮТ-ын Ерөнхийлөгч О.Амартүвшин тэргүүтэй төлөөлөгчид Берлин хотноо “Монгол, Германы эдийн засгийн клуб” ТББ-т зочилж тус байгууллагын тэргүүн, удирдах зөвлөлийн гишүүдтэй уулзлаа. Уулзалтад оролцогчид Монгол Улсын нийгэм, эдийн засгийн өнөөгийн байдал, ХБНГУ болон европын бусад оронтой эдийн засгийн харилцааг эрчимжүүлэх боломжийн талаар санал бодлоо солилцов.

Герман улстай бүх талын харилцааг хөгжүүлж, техник технологийг нэвтрүүлэх, хөрөнгө оруулалтыг татах, хоёр талын худалдааны эргэлтийг нэмэгдүүлэх, улмаар тус улсаар дамжин Европын Холбооны бусад улс оронтой харилцаагаа гүнзгийрүүлэх зорилгоор хамтран ажиллах боломж буйг уулзалтад оролцогчид илэрхийлж байлаа. Энэ үйлсэд Герман улсад амьдарч, ажиллаж буй иргэдийн эх орноо гэсэн сэтгэл, зүтгэл, эзэмшсэн мэргэжил, мэдлэгийг бүрэн ашиглахын ач холбогдлыг талууд онцлон тэмдэглэлээ. 

FairPlay - FairWorld - Спорт нөхөрлөл - Байгаль эх 

уриан дор Герман улсын Берлин хотын “ ЦОГ” спорт клуб ЕВРОП ДАХЬ МОНГОЛЧУУДЫН ВОЛЕЙБОЛЫН АВАРГА ШАЛГАРУУЛАХ VII ТЭМЦЭЭНИЙ Ерөнхий зохион байгуулагчаар ажиллах ба Монгол Улсаас ХБНГУ-д суугаа ЭСЯ болон Берлин дахь Монголын мэргэжил эзэмшигч болон оюутны холбоо ("MAS Berlin e.V.), Монголын волейболын холбооны Европ дах салбар зөвлөлтэй  хамтран Монгол улс Герман улсын хооронд дипломат харилцаа үүссэний 45 жилийн ойн хүрээнд  зохион байгуулна.

FairWorld - Байгаль эх - уриан дор зохиогдож буйтай холбогдуулан тэмцээний үеэр нэг удаагийн сав баглаа боодол, хүнсний аяга, таваг зэрэг хэрэглээг хумих, тамирчид өөрсдийн ус, ундааны саваа авч ирэх түүнчлэн зохион байгуулагчдаас нөхөн үрждэг байгалийн болон Fair Handel бүтээгдэхүүн ашиглах, эх орны үйлдвэрлэлийг дэмжихийг эрмэлзэнэ. 

Тэмцээн 2019 оны 10 дугаар  сарын 05-наас 06-нд Герман улсын Берлин хотын MAX SCHMELLING HALLE спорт цогцолборт болно.  

Хаяг : Am Falkpl. 1, 10437 Berlin