Mongolchuud Germand

Mongolchuud Germand - Informationsportal
A A A

ХБНГУ болон Европын холбооны улсаас Герман улсаар дамжин яаралтай нутаг буцах шаардлагатай иргэдийн албан бус бүртгэл судалгаа

Дэлхий нийтийг хамарсан тахал өвчний улсаас үүссэн нөхцөл байдалд бүх улс орон өөрийн иргэдээ татан авах арга хэмжээг яаралтай зохион байгуулж байна.

ХБНГУ-ын хувьд гэхэд 4-р сарын 3 ны байдлаар нийт 200 мянган гадаадад зорчиж яваад саатсан иргэдээс 194 мянгыг буцаан ирүүлээд байгаа ба ердийн нислэг байхгүй газрууд руу 300 гаран захиалгат нислэгийг Холбооны засгийн газраас явуулаад байна.

Тиймээс бид ажил болон албан шугамаар зорчиж яваад саатсан, удаан хугацаагаар оршин сууж буй иргэдээс тодорхой шалтгааны улмаас яаралтай буюу 4 сарын 30 наас өмнө нутаг буцах хүсэлтэй иргэдийн албан бус бүртгэл, судалгаа Монгол улсын иргэн бүрийн эрх ашгийг төлөөлөн явуулж байна.

Шинэ коронавируст /COVID-19/ халдварын тархалттай холбогдуулан дэлхий дахинд үүсээд байгаа эрсдэлтэй нөхцөл байдлын үеэр Монгол Улсаас ХБНГУ-д суугаа ЭСЯ-ны Шуурхай ажлын хэсгийн ахлах, Элчин Зөвлөх бөгөөд Консулын хэлтсийн дарга Ч.Батбилэгтэй уулзаж Элчин сайдын Яамнаас авч хэрэгжүүлж буй арга хэмжээний талаар мэдээлэл авлаа. Botschaft der Mongolei

Холбооны Герман улсын засгийн газар болон муж улсууд Халдварын тархалтыг бууруулах чиглэлээр авсан хязгаарлалтуудын арга хэмжээг хамгийн багадаа Улаан өндөгний баярын амралт дуустал (19. 04. 2020) үргэлжлүүлэх шийдвэр гаргалаа.

Герман улсын хувьд сүүлийн хоногуудад шинэ коронавирусийн халдвар эрчимтэй нэмэгдэж өнөөдрийн байдлаар Роберт-Кох хүрээлэнгийн мэдэгдсэнээр нийт 73.522 иргэн халдвар авсан ба энэ нь өмнөх өдрийнхөөс 6.156 нэмэгдээд байна. Тус Ковид-19 уушигний үрэвсэлт тахал өвчнөөр сүүлийн өдөр 140 хүн нас барснаас нийт 872 хүн барсан тохиолдол бүртгэгдээд байна. Хамгийн ихээр өртсөн муж улсыг Бавари (16.497) болон Умард Райн-Вестфален(14.351), Баден-Вюртемберг(13450) эзэлж байгаа хэвээр байна.

Улсын хэмжээнд 70% -ииг эзлэх эмнэлгүүдийн ирүүлсэн статистик мэдээллээр улс даяар 20.000 гаруй амьсгалын аппарат бүхий эрчимт эмчилгээний орны боломжтой бөгөөд үүнээс одоогоор 15.000 нь сул буюу өвчтөн хүлээн авах боломжтойг мэдэгдээд цаашид тус тоог 30.000 хүртэл нэмэгдүүлэх боломжтойг Германы эмнэлгүүдийн нийгэмлэгийн дарга Гералд Газз мэдээллээ.

ХБНГУ-ын Бавари Мужийн орон нутгийн сонгууль нь 6 жилийн зайтайгаар явагддаг. Энэ удаагийн 2020 оны 3 сард болж өнгөрч буй Бавари мужийн орон нутгийн сонгуулиар МУ-ын иргэн Г. Очмаа Ochmaa Göbel Бавари мужийн нийслэл Мюнхен хотын ойролцоо орших Грэйфелфинг хотын “Иргэдийн Хурлын төлөөлөгчөөр” сонгогдож Германы улс төрд анхны “Мандат” авсан Монгол хүн боллоо.

Анхны гэдгийн уншигчдад тодруулах үүднээс тайлбарлавал Германы орон нутгийн сонгуулийг Германаар Коммуналвал (Kommunalwahl) гэж нэрлэдэг ба орон нутгийн сонгууль 6 жилийн зайтай болдог байна. Тус сургуулиар сонгогдсон Иргэдийн хурлын төлөөлөгчийг Gemeinderat/rätin гэж нэрлэнэ.

Бавари мужид аливаа хот, тосгоны иргэдийн хурлын төлөөлөгч тухайн хот болон тосгондоо ард иргэдээс сонгогдсоныхоо дараа тухайн засаг дарга нь хүлээн авч тангараг өргүүлээд түүний дараа иргэдийн Хурлын төлөөлөгчдийгөө вебсайтдаа ил тод тавьж өгдөг байна.

Шинэ төрлийн Корона вирус нь Герман улсад хурдацтай тархаж өнөөдрийн байдлаар нийт 26.159 халдвар авсан ба нас барсан 106, бүрэн эрдгэсэн 266 тохиолдол бүртгэгдээд байна.

Оюутан залуусыг байрнаас нь гаргасан, хөөж байна гэх мэдээлэл сошиалаар тарж буй нь ташуу мэдээлэл бөгөөд харин Монголоос ажлын шугамаар болон аялалаар зорчиж яваад саатсан Монгол иргэдийн хувьд аялалийн эрүүл мэндийн даатгалаа хүчинтэй байх, сунгуулах, тус вирусаар өвчилсөн тохиолдолд даатгалд хамрах эсэх талаар тодорхой бус байдал шинээр үүсэж байна. Бид энэ талаар эргэн дэлгэрэнгүй мэдээлэх болно.

Өчигдөрөөс Герман улсын Засгийн газар хатуу хөл хориог тогтоогоогүй боловч дараах өндөржүүлсэн арга хэмжээг муж улсууд даяар хэрэгжүүлж эхлээд байна. Үүнд

Бид элгэн нутаг нэгтнээ суугуул нутагт маань хүнд байдалд орвол туслахын төлөө хийж чадах бүхнээ дайчлах болно.

ХБНГУ - Герман улс - БИД ТУСЛАХАД БЭЛЭН ДАВАЛГАА -

Бидэнтэй нэгдэх, холбогдох + 49 176 800 24 000

Монголчууд Германд

Бид хот хотоос сайн дураараа нэгдэж байгаа хүмүүстэйгээ сүлжээ үүсгэж, хүнд байдалд орсон иргэдээ хандахад хамгийн түргэнээр шаардлагатай үед тусламж үзүүлэх боломж бололцоотой хүмүүстэй холбож өгөх, зөвлөгөө үзүүлэх бүртгэл, зохион байгуулалт хийж байна.

Анхаарал болгоомжтой байж, хайртай хүмүүсээ хамгаалцгаая.

Бидэнтэй утас мессэж, viber, whats app аар холбогдоод амьдардаг хот нэрээ өгнө. Мөн мэдээллийг Share хийж бусаддаа хүргээрэй.

Бид ямар үед хэрхэн холбож өгөх, дамжуулах зохион байгуулалт хийж байгаа.

Монгол улсаас ХБНГУ-д суугаа ЭСЯ ны Консулын хэлтсээс авсан мэдээллээр тус ЭСЯ 3 сарын 2 ноос шуурхай ажлын алба байгуулан ажиллаж байна. Одоогоор Герман улсад тус вирусаар халдварласан Монгол иргэн байхгүй, холбооны засгийн газраас тус тухайн орны иргэн халдвар илэрсэн тохиолдолд ЭСЯ, ДТГ-уудад мэдээлэл хүргэхээ албан ёсоор мэдэгдсэн байгаа.

Монгол улсын Онцгой байдлын газраас гаргасан шийдвэрийг Гадаад яамнаас ирүүлсэн мэдээллийг Гадаадын иргэн харьяатын газар мэдүүлсэний дагуу шуурхай арга хэмжээ авч нислэг цуцлагдсан болон виз дууссан хүмүүст Виза сунгуулах талаар ЭСЯ туслан ажиллаж байна. Холбооны засгийн газраас ЭСЯ ны шуурай мэдээллээр хангаж ажиллаж буйд талархан, эрсдлийн үед бүх талаар дэмжиж ажиллахаа илэрхийлсэн байна.