Mongolchuud Germand

Mongolchuud Germand - Informationsportal
A A A

Балдансамбуу овогтой Энхбаатар (1978 - 2021)

Та бидний дотны анд Балдансамбуугийн Энхбаатар маань 2021оны 3 сарын 04 ний өдөр мөнх тэнгэртээ халилаа. Бидний мэдэх Баатараа минь ар гэр бүлдээ асралтай ээжийн сайн хүү, ах эгчийн сайн дүү, үнэнч найз, Үүрийнцолмонгийн маань өмөг түшиг, үнэнч хайрт хань нь, өчүүхэн үрсдээ халамжит аав нь байлаа.  

Баатараа минь найз нөхдөдөө үргэлж санаа тавьж хооронд нь холбон нөхөрлүүлж олон найз нөхдийнхөө итгэл даасан хайртай анд найз нь байсан юм.

Эх орныхоо эгэл нэг эд эс болж төрсний хувьд Энхбаатар маань бусдын төлөө өөрийгөө мартаж, Монгол улсынхаа төлөө өөрийнхөө чадах бүхнээр ХБНГУ-аас гар бие оролцож явсан гэдгийг бид сайн мэднэ.

Өөрийнхөө өвчнийг энэ хүртлээ нууж, мартаж өрөөл бусдын амь нас, амьдралыг аврахын төлөө сэтгэлээ чилээж явсан анд нөхөр Энхбаатарынхаа үйл хэргийг бид үргэлжлүүлэх болно.

Энхбаатарынхаа шударга, энэрэнгүй, тусч, өөдрөг, хөдөлмөрч зан чанар болон сэтгэл гийтэл  намуухан инээмсэглэх дүрийг бид сэтгэлдээ үүрд нандигнан хайрлан хадгалах болно. 

Талийгчийн маань ээжий, эхнэр хүүхдүүд, ах эгч дүү нар, төрөл төрөгсөд болон нийт анд нөхдөд гүн эмгэнэл илэрхийлье!

Мөнх хөх тэнгэр ивээх болтуухай! 

Анд найз нөхдөөс нь

2021 оноо сайн үйлсээр эхлүүлцгээе. - Das Herz vegisst nicht

 “Зүрх мартахгүй” төслийг “Улаанбаатар Сонгдо” эмнэлэгийн Болдсайхан эмч санаачлан явуулж 2020 онд 86 хүүхдэд мэс засал хийсэн талаар та бүхэн сонссох бизээ.

Тэд цаашид 2021 он гэхэд 100 хүүхэд, 2027 он гэхэд 1000 хүүхдийг мэс засалд оруулж, бүрэн эдгээх болно гэдгээ хэлсэн юм. 2021 онд монголын нялх үрс зүрхний мэс засалд гадаад явах, мөнгөгүй тул орж чадахгүй гэх зовлонгүй болоосой. 

Хандивын аянг 2021 оны 1 сарын 31 хүртэл явуулж нийт цугларсан мөнгийг илгээсэн ачтангуудын листтай хамт 100 % бүрэн бүтнээр  “Зүрх мартахгүй” төслийн хамт олонд гардуулах болно.

Германы Монголчуудаа зүрхний гажигтай хүүхдүүдийг Монголдоо эмчилж, эрүүл саруул болгоход хувь нэмрээ оруулцгаая хэмээн уриалж байна.

Хандивлах- https://www.paypal.com/donate?hosted_button_id=MBAW8TCNDY6Q4

 

Албан болон хувийн шугамаар зорчиж яваад гацсан иргэдээс 5-р сарын 2-ны захиалгат нислэгт багтаагүй үлдсэн хүмүүсийн бодит байдлыг тодруулах, нэгдсэн хүсэлтийг зохих газруудад уламжлан, оновчтой шийдвэр гаргахад дараах албан бус судалгааны зорилго оршино.

https://forms.gle/6VsRJbGQ2Epz1npv9

Монгол улсын иргэн бүрийн эрхийг хамгаалахын төлөө - Захиалгат нислэг үйлдэгдэх, Монгол улс хилээ нээх гэх мэт талаар нааштай мэдээлэл гарвал та бүхний бүртгүүлсэн холбоо барих хаягаар цаг алдалгүй шуурхай хүргэх болно.

Монголчууд Германд мэдээллийн портал

Гадаадад түр хугацаагаар зорчиж яваад цаг үеийн асуудлаар болж олон хоног гацсан иргэдийг Германд суурин амьдарч буй иргэд, ТББ ууд холбоо харилцаатай байж "Бид туслахад бэлэн" уриан дор нэгдэн бүх боломжоороо нэгдэн ажиллаж буй юм.

Энэ хугацаанд олон хотоос сайхан сэтгэлд иргэд маань нэгдэж сайн дураараа 30 гаран иргэдэд орон байр, унаа, эрх зүйн тусламж үзүүлээд байна, мөн одоо ч Монголчууд маань "Хариу нэхээгүй тусламжаа" үзүүлсээр байна.

Өнгөрсөн амралтын өдрүүдэд манайханы тусламж үзүүлж буй нэгэн иргэний маань биеийн байдал хүндэрч эхэлжээ.

 

Тухайн хотын сайхан сэтгэлт Монголчуудын маань баг цаг алдалгүй Монгол эмч нарынхаа зөвлөгөө зааврын авч, тухайн хотын эмнэлэгт хандан эхний шатнуудын шинжилгээнүүдийг хийлгэх анхны тусламжид хамруулсан болно.

Иргэдийн байдал хүндэрч, эрүүл мэндийн асуудал бодитоор хурцдаж, олон хоног сараар гацсан иргэд туйлдаж гүйцлээ. 

СӨҮЛ, ФРАНКФУРТЫН ТУСГАЙ ҮҮРГИЙН НИСЛЭГЭЭР ИРЭХЭЭР ӨРГӨДӨЛ ГАРГАСАН ИРГЭДЭД АНХААРУУЛАХ НЬ

Улсын онцгой комиссоос гарсан шийдвэрийн дагуу тусгай үүргийн нислэгээр 2020 оны 4 дүгээр сарын 30-нд БНСУ-ын Сөүл, 5 дугаар сарын 2-нд ХБНГУ-ын Франкфурт хотоос иргэдээ татан авах бэлтгэл ажил хийгдэж байна. Энэ нислэгийн үеэр өмнө нь тавигдаж байсан таван шаардлагыг ягштал баримтална. Үүнд:

Гадаадад, Европ тивд зорчиж яваад саатсан, хувь ар гэрийн шалтгаанаар нэн яаралтай нутагтаа буцахаар тэсэн ядан хүлээж байгаа Монгол улсын иргэд та бүхнийгээ Монгол улсын засгийн газар, Гадаад хэргийн яамнаас хоосон хүлээлт үүсгэж, СЭТГЭЛИЙГ ХЯМРААХГҮЙ гэсэндээ ямар нэг тов хэлэх боломжгүйг Гадаад харилцааны сайд Д.Цогтбаатар 4 дүгээр сарын 10 нд хэвлэлийн бага хурлаар дамжуулан дуулгасан билээ.

Хоног өдөр өнгөрсөөр, иргэд хүлээсээр...БУЙ ТУЛ ДАХИН ГАРГАЛГАА ХАЙЦГААЯ.

Ажил болон албан шугамаар зорчиж яваад саатсан, удаан хугацаагаар оршин сууж буй иргэдээс ХБНГУ болон Европын холбооны улсаас Герман улсаар дамжин яаралтай нутаг буцах нэн шаардлагатай иргэдийн албан бус бүртгэл, судалгааг 4 сарын 5 наас 6 ны өдрүүдэд явуулж хүсэлтийг зохих үүсээд байгаа шалтгаануудын хамт иргэдийн дуу хоолойг төлөөлөн манай Монголчууд Германд мэдээллийн сувгийн хамт олноос МИАТ, ЭСЯ, ГХЯ, УОК-д / хувийг ХЧМЗ ТББ-д/ 4 дүгээр сарын 7 ны өдөр УОК-д албан ёсоор хүргүүлсэн билээ.

Гэвч өнөөдрийн /2020.04.09/ байдлаар УОК-оос захиалгат нислэг явуулах боломж, халдварт өвчин судлалын болон тусгайрлах байрны боломжоос шалтгаалан ирүүлэх боломжгүй байгааг мэдээлээд байна.