УРИЛГА

Details

Veröffentlicht: 16. Februar 2019

Хүндэт эмэгтэйчүүд та бүхнээ Олон улсын эмэгтэйчүүдийн эрхийг хамгаалах өдрийг Германы хөрөнгийн бирж дээр хамтран тэмдэглэхийг урьж байна. Европ дахь Монгол Эмэгтэйчүүдийн Хөгжлийн Холбоо нь /ЕМЭХХ/ жил бүрийн ОУ-ын эмэгтэйчүүдийн эрхийг хамгаалах өдрөөр эмэгтэйчүүддээ хэрэгтэй сэдвээр мэдээллийн чанартай арга хэмжээ хийдэг уламжлалтай билээ.

Германы хөрөнгийн бирж болон Women in ETF-тэй хамтран зохион байгуулж буй “Жендэрийн тэгш байдлын төлөө хонх цохих” арга хэмжээнд ЕМЭХХ оролцуулах болсонд баяртай байна.

Дэлгэрэнгүйг

Монгол Улс, ХБНГУ дипломат харилцаа 45 жил - Зураг

Details

Veröffentlicht: 15. Februar 2019

Монгол Улс, Холбооны Бүгд Найрамдах Германы Улсын хооронд дипломат харилцаа тогтоосны 45 жилийн ойд зориулсан хүлээн авалтын нээлтийн үеэр Элчин сайд Д.Ганбатын хэлсэн үг

Эрхэмсэг ноён Парламентын Төрийн нарийн бичгийн дарга Оливер Виттке ээ, Эрхэмсэг ноён Парламентын Төрийн нарийн бичгийн дарга Х.И.Фухтел ээ, Эрхэмсэг ноён Бундестагийн гишүүн, Холбооны Бундестагийн Төв Азийн Парламентын бүлгийн дарга Манфред Грунд ээ, Эрхэмсэг ноён УИХ-ын гишүүн, УИХ дахь Монгол-Германы Парламентын бүлгийн дарга Д.Тэрбишдагва аа, Эрхэмсэг хатагтай ноёд оо, Монголын анд нөхөд, найз нар аа,

Монгол Улс, Холбооны Бүгд Найрамдах Германы Улсын хооронд дипломат харилцаа тогтоосны 45 жилийн ойд зориулсан хүлээн авалтад хүрэлцэн ирсэн Та бүхэнд энэ өдрийн мэнд дэвшүүлж тавтай морилохыг хүсье.

Монгол Улс 30 жилийн өмнө ардчилал, хүний эрх, эрх чөлөө, зах зээлийн тогтолцоонд шилжих замыг эргэлт буцалтгүй сонгосон тэр цагаас хойш хоёр орны харилцаа тасралтгүй хөгжсөөр байна. 1990 оноос эхлэн ХБНГУ ардчилсан улсууд дотроос харамгүй тусламж, дэмжлэг үзүүлж эхэлсэн анхны улсуудын нэг нь гэдгийг монголчууд ямагт санаж, хүндлэж байдаг. Энэхүү тусламж нь Монгол Улсад ардчиллыг бэхжүүлэх, зах зээлийн тогтолцоонд шилжих хүнд хэцүү үеийг даван туулах, Монгол Улсыг хөгжүүлэхэд үнэтэй хувь нэмэр өнөөдөр ч оруулсаар байгаад бид гүнээ талархаж буйг энэ өдөр хэлмээр байна.

Дэлгэрэнгүй унших

Германы бүтээгдэхүүн Нийслэл хотыг хөгжүүлэх үйлсд ажиллана.

Details

Veröffentlicht: 23. Januar 2019

Технологын өлгий нутаг Германд суралцаж, ажиллаж амьдарч байсан, Монголын Ардчилсан Социалист Залуучуудын холбооны Мөнхчулуун (Самданнямын МӨНХЧУЛУУН) анд маань 2008 онд уугуул нутагтаа буцан Монголын нийгэм, улс төрийн ажилд идэвхтэй оролцож Германы Монголчуудын залуу үеийн манлайлал болж ирсэн бол өнөөдөр Улаанбаатар хотын даргаар НИХТ-өөс итгэл хүлээлгэн нэр дэвшээд буйд баяр хүргэхийн ялдамд

НИЙСЛЭЛ УЛААНБААТАР ХОТОО

дэлхийн шилдэг, амьдрахад таатай хот Германы БЕРЛИН, ШТУТТГАРТ, Mюнхен хотууд шиг болгон хөгжүүлэх гэгээн үйл хэрэгт нь

Германы Монголчуудынхаа өмнөөс амжилт хүсье.

Weiterlesen ...

"Хүний цаана” УСК-г 2019 оны 1 дүгээр сарын 13 ны өдөр ХБНГУ-ын Берлин хотноо

Details

Veröffentlicht: 10. Januar 2019

Гэр бүл, эх орондоо хайртай хүн бүрийн заавал мэдрэх ёстой мэдрэмж бол нэг “Хүний цаана” орших омогшил юм.

#Этик_продакшн -ны аз жаргал, баяр гуниг, инээдэм хослуулсан шинэ уран бүтээл  "Хүний цаана” УСК-г  2019 оны 1 дүгээр сарын 13 ны өдөр ХБНГУ-ын Берлин хотноо та бүхнээ толилуулах гэж байна.

Хаяг: Franz-Mehring-Platz 1, 10243 Berlin 

Neues Deutschland - Tagungszentrum 

13.01.2019 - 16:30

Билетийн үнэ 12 €  / Sonntag ist Kinotag

Эх орон, гэр бүл, үр хүүхдэдээ хайртай хүн бүрийн сэтгэлийн утсыг хөндөж чадсан “Хүний цаана” уран сайхны киноны дүрүүдэд А.Энхжин /МУСТА/, Г.Даваазул, С.Болормаа /МУСТА/, Г.Золбоот /МУСТА/, Л.Эрдэнэ-Очир /МУСТА/, Е.Даваасүрэн, Б.Пүрэвдорж, Д.Дэлгэрсайхан /МУСТА/ нар тоглосон бол тус киноны найруулагчаар Г.Даваазул, Продюсераар Б.Батжаргал нар хамтран ажилласан байна.

Trailer

https://www.facebook.com/eticproduction/videos/2041960779439212/

Хүний цаана” УСК 2018 оны 10 сарын 26-ны өдөр үзэгчдийн хүртээл болсон бөгөөд нээлтээ хийсэн даруйдаа Монгол түмний сэтгэлийн утсыг хөндөж чаджээ.

Эх орондоо хайртай хүн бүрийн сэтгэлийн гүнд орших тэр нэгээхэн омогшил Монгол орны гол ус, газар шороог эзлэн түрэмгийлж буй хятадуудаас эх орноо хайрлан харамлах, тэдэнтэй тэмцэлдэж буй эрэлхэг залуусын тэмцэл, аз жаргал, баяр гуниг, инээдэм зэрэг бүхий л төрлийг тус кино өгүүлэх болно.

Шинэ жилийн „Цоглог“ цэнгүүн 2018 болж өндөрлөлөө

Details

Veröffentlicht: 01. Januar 2019

ХБНГУ дахь  Монголчууд шинэ жилээ хамтдаа угтав. 

ХБНГУ-ын нийслэл Берлин хот болон Европ тивд ажиллаж амьдарч буй нийт Монголчууд, Монголчуудын анд нөхдийн дунд нэгдсэн "Шинэ жилийн Цоглог цэнгүүн 2018/2019" амжилттай өндөрлөлөө. Эргэн тойрон дур булаам гэрэл цацруулсан анд нөхөд, хайртай хүмүүс, ширээ бүрд баяр баясал, ирж буй оны тэмүүлэл хамтдаа 2019 оноо угтан баярласан өргөн олон зочид та бүхэндээ баярлалаа Монголчуудын эв нэгдэл, харилцаа холбоог сайжруулах энэхүү томоохон арга хэмжээг дэмжиж ажилласан ЭСЯ-ны хамт олон МИАТ ХК, АПУ ХК, Говь ХК болон бусад байгууллага, аж ахуйн нэгжүүд, хувь хүмүүстээ нийт Цог клубын гишүүдийн нэрийн өмнөөс талархалаа илэрхийлье.

Цомог 1/ 3 - Шинэ жилийн Цоглог цэнгүүн 2018/2019 119 Fotos

Цомог 2 / 3- Шинэ жилийн Цоглог цэнгүүн 2018/2019 - 180 Fotos

Цомог 3 / 3 - Цоглог шинэ жилийн цэнгүүн 2018/2019 189 Fotos

Зулзган гацуурын үнэртэй зөрж өнгөрөх хоёр оны заагаар

Цагийн зүү зүрхний хэмнэлээр цохилж, цасан будрах тэр л үед

Хайртай хүмүүс, хамт олонтойгоо оргилуун дарсаа тулган

Цаг хугацааны түүх хуучин оноо үдэж, шинэ оноо угтацгаав.

БЕРЛИН ХОТЫН СПОРТЫН “ЦОГ” КЛУБ

Европ дахь Монголчуудын дундах сагсан бөмбөгчдийн аварга шалгаруулах 13 дахь удаагийн тэмцээний дүн

Details

Veröffentlicht: 04. November 2018

Европын Холбооны улсуудад сурч, ажиллаж, амьдарч буй монголчуудын эв нэгдэл, нөхөрсөг зан чанарыг илтгэх, харилцаа холбоог сайжруулан бэхжүүлэх, нийтийн биеийн тамир спортод залуу үеийг татан оролцуулах, спортоор дамжуулан ойртуулан нөхөрлүүлэх ЕВРОП ДАХЬ МОНГОЛЧУУДЫН УЛАМЖЛАЛТ СПОРТ ӨДӨРЛӨГҮҮДИЙН ийн нэг Европ дахь Монголчуудын дундах сагсан бөмбөгчдийн аварга шалгаруулах 13 дахь удаагийн тэмцээн Бүгд найрамдах Чех улсын нийслэл Праг хотод амжилттай өндөрлөлөө.

Дэлгэрэнгүй унших